6月尾便走了一轉,都成2年冇黎啦~
去之前一日香港落大雨...當天都有點怕會變落湯雞~ 但好彩,只有在有瓦遮頭等玩機動遊戲時落左少少雨!!!!太好了~ 其實都幾漫無目的咁去玩~ 去到都係行左轉「香港老大街」就搭吊車上去玩
睇左「熱帶雨林天地」,入面好多好可愛的骰既動物~
不過D蜘蛛果PART我冇睇到~好驚~
之後就去左玩機動遊戲
高峰樂園既動感天地之機動遊戲每個大慨都要等成個幾鐘...真係好熱架...;( 雷霆節拍真係幾好玩~狂笑笑到我傻左~ 佢係不停轉,仲會上上落落咁.但一人坐會好D, 2人坐既話,坐出面果位會好慘。 因為入面果位會不能自控咁壓向右邊,咁出面果位會比人壓C左 同埋個手墊位好硬,會壓到好痛架(係我同行之人話我知既~) 超速旋風係比你抖下既,但都有丁點離心力,但真係好丁點囉~
其實仲想玩埋熱帶激流,但睇到D人除左D激流整到濕哂之外仲會比人射濕 所以都係等第2ROUND去時帶埋雨衣先玩(當然,現埸有雨衣賣既~$35囉...我買唔起)
動感快車要等成2個鐘就直接唔等,翻天覆地我真係心血少玩唔起 笨豬跳真係好笨豬咁...走左....去食野啦~ 食完野就悠閒D去睇下海洋劇場同海獅
落返山再行埋海洋奇觀
（我有洗手的～）
真係好想鬧人囉~工作人員好努力叫人洗左手同排隊先好摸海星 好多人都扮聽唔到真接插隊+唔洗手就咁摸!!!! 有關方面真係需要擺D欄黎抵制D人囉! (不少人係識聽白話架!我前面一堆就係操內地口音既廣州人! 仲要係夾硬打我尖仲要唔係幾個,係十幾個!!!!!!)
之後都係行下睇下就走左 8點就等睇雙龍奇緣,真係太HARD SELL中國XX公司囉~
D火真係好鬼熱架!!!不過都係迪迪尼既煙花靚D ....XD
